छत्तीसगढ के युवा किसानो के लिये साप्ताहिक सलाह उनकी अपनी भाषा मे-1
छत्तीसगढ के युवा किसानो के लिये साप्ताहिक सलाह उनकी अपनी भाषा मे-1
राम-राम
ये दे मौसम मे बदलाव होइस नही के बेमारी सुरू। कोनो ला खाँसी होवत है तो कोनो ला बुखार। सूजी बर दवाखाना मे लम्बा कतार लगे हे। आप मन सियान के गोठ नही मानो जी। मै एक ठी उपाय बतावत हो। लाखडी के खेत मे जाके गुडरिया ला ले आओ। वोखर मुडी समेत पौधा ला पानी मे उबाल के काढा बना लेवव। का केहे काढा नही जानस। ले मै समझात हो। एक भाग पौधा ला मान बे और दस गुना पानी मिलाबे। वोखर बाद गंजी ला चूल्हा मे रख देबे। जब उबल-उबल के आधा पानी बाचही तो चाय असन पी लेबे। बन-कचरा के उपयोग हो जाही अऊ बिना पैसा के आराम भी। फायदा मिलही तो दूसर ला बताबे पर पैसा झन लेबे। ये दे अब नवा समस्या गुडरिया नही जानस। ऐला चपकबे तो फोटू मिल जाही। सियान से पूछबे तो वो हू बताही। का केहे, अऊ जानकारी देवव। दुहुँ पर अगले सोमवार को आबे ऐही मेर। अच्छा राम-राम।
Comments